ဒုတိယတပ္မေတာ္ကာကြယ္ေရးဦးစီးခ်ဳပ္ ကာကြယ္ေရးဦးစီးခ်ဳပ္(ၾကည္း) ဒုတိယဗုိလ္ခ်ဳပ္မွဴးႀကီး စိုး၀င္း ေနျပည္ေတာ္၊ ေဇယ်ာသီရိၿမိဳ႕နယ္ရွိ ေရကစားမ႑ပ္သို႔ သြားေရာက္ၾကည့္႐ႈအားေပး 

ဒုတိယတပ္မေတာ္ကာကြယ္ေရးဦးစီးခ်ဳပ္ ကာကြယ္ေရးဦးစီးခ်ဳပ္(ၾကည္း) ဒုတိယဗုိလ္ခ်ဳပ္မွဴးႀကီး စိုး၀င္း ေနျပည္ေတာ္၊ ေဇယ်ာသီရိၿမိဳ႕နယ္ရွိ ေရကစားမ႑ပ္သို႔ သြားေရာက္ၾကည့္႐ႈအားေပး 
ေနျပည္ေတာ္ ၊ ဧၿပီ - ၁၄ 

ျမန္မာသကၠရာဇ္ ၁၃၈၀ ျပည္႕ႏွစ္၊ ျမန္မာ့႐ိုးရာႏွစ္သစ္ကူးမဟာသႀကၤန္ အက်ေန႔ ျဖစ္ေသာ ယေန႔တြင္ ေနျပည္ေတာ္၊ ေဇယ်ာသီရိၿမိဳ႕နယ္အတြင္းရွိ ေရကစားမ႑ပ္မ်ား၌ သႀကၤန္ခ်စ္သူျပည္သူမ်ား၊ အရာရွိ၊ စစ္သည္၊ မိသားစုမ်ားက မဟာသႀကၤန္ ေရသဘင္ပြဲအား ေပ်ာ္ရႊင္စြာပါ၀င္ဆင္ႏႊဲၾကသည္။ 

ယေန႔မနက္ပိုင္းတြင္ ေနျပည္ေတာ္ေဇယ်ာ သီရိေဂါက္ကြင္းရွိ ကာကြယ္ေရးဦးစီးခ်ဳပ္႐ုံး (ၾကည္း၊ ေရ၊ ေလ)မိသားစုေရကစားမ႑ပ္၌ ဂေရဟမ္၊ ေဇာ္ပုိင္၊ ေအး၀တ္ရည္ေသာင္း၊ ေခ်ာစုခင္၊ ေမလသံစဥ္ စသည့္ နုိင္ငံေက်ာ္အႏုပညာရွင္မ်ားႏွင့္ ေတးသံရွင္မ်ား၊ မိသားစုသႀကၤန္ယိမ္း အကအဖြဲ႕မ်ားက သီဆုိကျပ ေဖ်ာ္ေျဖၾကရာ ဒုတိယတပ္မေတာ္ ကာကြယ္ေရးဦးစီးခ်ဳပ္ ကာကြယ္ေရးဦးစီးခ်ဳပ္(ၾကည္း) ဒုတိယ ဗိုလ္ခ်ဳပ္မွဴးႀကီး စုိး၀င္း ၊ ကာကြယ္ေရးဦးစီးခ်ဳပ္႐ံုးမွ တပ္မေတာ္အရာရွိႀကီးမ်ားႏွင့္ ဇနီးမ်ားတက္ေရာက္ၾကည့္႐ႈ အားေပးၾကသည္။ 

အလားတူ ညေနပိုင္းတြင္ေနျပည္ေတာ္ စစ္ေၾကာေရး တည္းခိုေရးစခန္းေရွ႕ရွိ ေရကစားမ႑ပ္၊ ေဇယ်ာသီရိ ကုန္တုိက္အနီးရွိ ေရကစားမ႑ပ္ႏွင့္ ကာကြယ္ေရး ဦးစီးခ်ဳပ္႐ံုး(ၾကည္း)၀န္းအတြင္းရွိ အိမ္ေထာင္သည္ လုိင္းအနီး ေရကစားမ႑ပ္၊ တပ္မေတာ္ ေဆး႐ံုႀကီးေရွ႕ရွိ ေရကစားမ႑ပ္ႏွင့္ ႏိုင္ငံေတာ္ ကာကြယ္ေရး တကၠသိုလ္ေရွ႕ရွိ ေရကစားမ႑ပ္မ်ားတြင္လည္း ေရပက္ခံသူမ်ား၊ ေရပက္ကစားသူမ်ားျဖင့္ စည္ကားလ်က္ရွိၿပီး ေရကစားမ႑ပ္မ်ားတြင္ မိသားစုသႀကၤန္ယိမ္းအကအဖြဲ႔မ်ား၊ အႏုပညာရွင္မ်ားႏွင့္ ေတးသံရွင္မ်ားက ေတးသီခ်င္းမ်ား၊ ယိမ္းအကမ်ားျဖင့္ သီဆုိကျပေဖ်ာ္ေျဖကာ လာေရာက္ ေရကစားၾကသူမ်ားအား စတုဒိသာအေကြ်းအေမြးမ်ားျဖင့္ တည္ခင္းဧည့္ခံေကြ်းေမြးခဲ့ၾက ေၾကာင္း သတင္းရရွိသည္။ 

 

(Unicode Version)

 

 

ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း နေပြည်တော်၊ ဇေယျာသီရိမြို့နယ်ရှိ ရေကစားမဏ္ဍပ်သို့ သွားရောက်ကြည့်ရှုအားပေး 
နေပြည်တော် ၊ ဧပြီ - ၁၄ 

မြန်မာသက္ကရာဇ် ၁၃၈၀ ပြည့်နှစ်၊ မြန်မာ့ရိုးရာနှစ်သစ်ကူးမဟာသြင်္ကန် အကျနေ့ ဖြစ်သော ယနေ့တွင် နေပြည်တော်၊ ဇေယျာသီရိမြို့နယ်အတွင်းရှိ ရေကစားမဏ္ဍပ်များ၌ သြင်္ကန်ချစ်သူပြည်သူများ၊ အရာရှိ၊ စစ်သည်၊ မိသားစုများက မဟာသြင်္ကန် ရေသဘင်ပွဲအား ပျော်ရွှင်စွာပါဝင်ဆင်နွှဲကြသည်။ 

ယနေ့မနက်ပိုင်းတွင် နေပြည်တော်ဇေယျာ သီရိဂေါက်ကွင်းရှိ ကာကွယ်ရေးဦးစီးချုပ်ရုံး (ကြည်း၊ ရေ၊ လေ)မိသားစုရေကစားမဏ္ဍပ်၌ ဂရေဟမ်၊ ဇော်ပိုင်၊ အေးဝတ်ရည်သောင်း၊ ချောစုခင်၊ မေလသံစဉ် စသည့် နိုင်ငံကျော်အနုပညာရှင်များနှင့် တေးသံရှင်များ၊ မိသားစုသြင်္ကန်ယိမ်း အကအဖွဲ့များက သီဆိုကပြ ဖျော်ဖြေကြရာ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်း ၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများနှင့် ဇနီးများတက်ရောက်ကြည့်ရှု အားပေးကြသည်။ 

အလားတူ ညနေပိုင်းတွင်နေပြည်တော် စစ်ကြောရေး တည်းခိုရေးစခန်းရှေ့ရှိ ရေကစားမဏ္ဍပ်၊ ဇေယျာသီရိ ကုန်တိုက်အနီးရှိ ရေကစားမဏ္ဍပ်နှင့် ကာကွယ်ရေး ဦးစီးချုပ်ရုံး(ကြည်း)ဝန်းအတွင်းရှိ အိမ်ထောင်သည် လိုင်းအနီး ရေကစားမဏ္ဍပ်၊ တပ်မတော် ဆေးရုံကြီးရှေ့ရှိ ရေကစားမဏ္ဍပ်နှင့် နိုင်ငံတော် ကာကွယ်ရေး တက္ကသိုလ်ရှေ့ရှိ ရေကစားမဏ္ဍပ်များတွင်လည်း ရေပက်ခံသူများ၊ ရေပက်ကစားသူများဖြင့် စည်ကားလျက်ရှိပြီး ရေကစားမဏ္ဍပ်များတွင် မိသားစုသြင်္ကန်ယိမ်းအကအဖွဲ့များ၊ အနုပညာရှင်များနှင့် တေးသံရှင်များက တေးသီချင်းများ၊ ယိမ်းအကများဖြင့် သီဆိုကပြဖျော်ဖြေကာ လာရောက် ရေကစားကြသူများအား စတုဒိသာအကျွေးအမွေးများဖြင့် တည်ခင်းဧည့်ခံကျွေးမွေးခဲ့ကြ ကြောင်း သတင်းရရှိသည်။ 

Recent News